Mədəniyyətdən elmə, sənətdən idmana qədər təşkil etdiyi rəngarəng proqramlar ilə dünyanın hər yaşdan fərdinə xitab edən Yunus Emre İnstitutu, pandemiya dövründə onlayn təhsil və mədəni fəaliyyətlər həyata keçirərək ünsiyyət kanallarını açıq saxlamağa çalışıb. Epidemiyanın ikinci dövründə həyatın yeni normala qayıtması ilə birlikdə Bakı Yunus Əmrə İnstitutu, Bakı Türk Anadolu Liseyi şagirdləri üçün yeni tədris ilində dəstək fəaliyyətləri həyata keçirib.

COVID-19 pandemiyası səbəbiylə 2020-ci ilin mart ayından bəri məktəblərin bağlandığı Azərbaycanda yeni tədris ilinə başlayan Bakı Türk Anadolu Liseyinin tələbələrinə, Yunus Əmrə İnstitutu, xaricilərə yönəlik Türk dili tədrisinin qaynaq kitablarından hesab olunan Dədə Qorqud hekayələri kitablarını hədiyyə edib.  

17 sentyabr 2020-ci il tarixində reallaşdırılan tədbirə Türkiyə Cümhuriyyətinin Bakıdakı Səfirliyinin Təhsil müşaviri Nihat Böyükbaş, Bakı Yunus Emre İnstitutu müdiri Selçuk Karakılıç, Bakı Türk Anadolu Liseyi müdiri Nurullah Yazıcı və şagirdlər qatılıb.

Açılış nitqini söyləyən Nurullah Yazıcı, “Uzun müddətdir sizinlə görüşməyi gözləyirdik. İbtidai sinif həftəsinə başlayıb başlamayacağımıza tərəddüd edərkən, baxın, bu günləri də görmək nəsib oldu. Ümid edirəm ki sağlam və dinc bir şəkildə ibtidai dərs ilini başa vuracağıq. "Hamınızı çox sevirəm" dedi. Bakı Yunus Emre İnstitutunun Dədə Qorqud hekayələri kitab hədiyyələrinin şagirdlər üçün faydalı olacağını dilə gətirən Yazıcı, dünyanı gözəlləşdirməyin yeganə yolunun kitab olduğunu və bu təşəbbüsün məktəbin ilk günündə şagirdləri motivasiya etdiyini söyləyib.

Təhsil müşaviri Nihat Böyükbaş, şagirdlərə pandemiya dövründə ehtiyat ediləcək məsələlər barədə tövsiyyələr verib və məktəbdə uşaqların sağlamlığı üçün hər cür tədbirlərin alındığını bildirib. Böyükbaş, bu mənalı təşəbbüs üçün Bakı Yunus Emre İnstitutuna təşəkkür edərək, uşaqları yeni tədris həftəsinə başlamaları münasibəti ilə təbrik edib.